أرقب حضوره

يا حمامٍ ناح في وكره
ذكّر المشتاق بوطوره

جدّد الأحزان في صدره
وهيّج الأشجان وشعوره

إفتكر بأيّام من عمره
انقضن في انس وسروره

واهطلت من عينه العبره
دمعته (ع) الخد محدوره

يا زمانٍ طاف من عصره
أرتجيه يعود لي دوره

لي حبيبٍ طال بي هجره
تاركنّي أرقب حضوره

ما ترحّم حاليه ضرّه
سار وأدعى الروح مخطوره

بو محيّا كنّه القمره
لي طلع يغشيني بنوره

كاملٍ في زينه وستره
فايقٍ عن كل غندوره

رابيٍ في روضةٍ خضره
في وسط جنّات ونهوره

إرتجيت الوصل لو مرّه
منه علّ يوفّي نذوره

له خضعت وحاضرٍ لأمره
ما أخالف أمره وشوره

أربعين وظبي في قفره
سبعةٍ والذيب في غوره