يا صاحبـي فيـك قمـت اضـم واضيّـع

يا صاحبي فيك قمت اضم واضيّع
مر ن اصدق عيوني مر اكذبها

انا على ملتي مانيب متشيّع
والناس بالغاتها نقدر نخاطبها

لاني بعطشان ولا عايش اجويّع
لكن لجل اللحى تكرم شواربها

ما اشري بسوق الخساير لا ولا أبيّع
أحسب حساب التجارب قبل امر بها

ما احب شخص يعيش العمر متميّع
وعن سكت الخير نياته يقلبها

ممشاه ممشى خطاء وان راح مافيّع
في رحلةٍ خاطيه تكره عواقبها

لو كان بعض البشر لفواده يشيّع
تظهر خطياه ولا يقدر يحسبّها