الصدر ضايق يالمزيني

لـ وليد البسطي، ، في العتب والفراق، آخر تحديث

الصدر ضايق يالمزيني - وليد البسطي

الصدر ضايق يا لمزيني ومهموم
والعين تذرف بالدموع الحزينا
 
 
همي كبير وطار من عيني النوم
وأصبحت أسامر كل من له ونينا
 
 
يا صاحبي محروم أنا اليوم مرحوم
أمن السعادة والحزن بات فينا
 
 
يا ليت أنا مصيوب فالحب بسهوم
لا قول هذا الحب .. هذا حنينا
 
 
ولا لحقني دين بياع الهدوم
لا صبر على ديني وسده بدينا
 
 
عني تقطع حبل شداد العزوم
يوم أرتكالي فازع ٍ جاه بينا
 
 
حظي تعثر طاح من دون الحزوم
وكل من درابي قال والله غبينا
 
 
يا لله طلبتك عد ما تنشي غيوم
ترحم لي عود ٍ كان فضله علينا
 
 
وباقي عيال العود كذبان ورخوم
ما فيهم اللي سرني با لكنينا
 
 
ضاعت حياتي أنتظر زين العلوم
والشيب لاح بعارضي والجبينا
 
 
هذا النصيب اللي من الرب مقسوم
وبصبر أنا يا بن المزيني سنينا
© 2024 - موقع الشعر