هاتفك من عندي مكنسل ومحذوف
من المحفظه والذاكره والشريحه
من لا نفع فالسلم ماسرفالخوف
والله خلق دنياء وسيعه فسيحه
ما لك عليه يابن الاجواد معروف
واللي فعل معروف واخطا نبيحه
الاوله غلطتك خليتهاتطوف
تطوف لوالعلم بين نضيحه
صبرت لو الصبرماهوب مخلوف
على خطاك اللي ملا له صفيحه
اللي عطاك الثوب والمشلح الصوف
دفك يابيك اطيح عشرين طيحه
ياما نصحتك عنه مير انت ملقوف
اليانصحتك ماتطيع النصيحه
تمشي على وجهين بالسعي والطوف
وتخون من يمشي بنيه صريحه
ود ك تلف الوضع والوضع معروف
خربٍ تدس الراس في حيد شيحه
تبي تدس الراس والجسم مكشوف
من الغبا لبست ثوب الفضيحه
شاربك يالكذاب والدقن منتوف
من الكذب ما حصلت غيرالقميحه
ويش انت حتى تعطي الحق وتشوف
لا د ين لا د نياونفسك قبيحه
اللي سواتك يااسود الوجه منذوف
ويموت من غبنه وكبده جريحه
موتت طلين شافله ذيبٍ يحوف
حاف الغنم وختارمنهاذبيحه
واستغفر الله كان في قولي حفوف
مااعم اخص اللي عسى الله يزيحه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين