طــوّل غيــابك

أنا نفسي .. تجاوبني .. عن أسباب الغياب .. وليه ؟
تشح بفرحتي .. بمواصَلك .. و(إ) تجرّح .. الصوره

كفاني .. من غيابك .. ياغيابي .. عن جِسد .. تكسيه
خفافيش الظلام .. ودق بابك .. وإنطفى .. نوره

إذا كان الغياب .. سنين .. أنا متْ .. بغيابك .. فيه
ألا ياكيف .. بتحمّل .. سنين البعد .. وشهوره

تعال .. ويمّم إحساسك .. على ترابي .. ولا تخليه
تعال .. وحنّ لديار ٍ .. بها الأحلام .. منثوره

تعال وشوف وش باقي .. من أزهار العتب .. وإسقيه
تعال وحس ّ .. زلزال الغياب .. وطالبك .. زوره

علامي .. كل ماجيت .. آآآتوسّد .. جمرك .. وأطفيه
لقيت الجمر .. رمّد .. والمسافه تموت .. مقهوره

علامي .. كل ما .. أطوي مسافه .. في هواك > آآآتيه
وأشوف إركابي .. (إ) برحلت غلاك .. تموت .. منحوره

علام الدرب .. في رحلت وصالك .. ضاق في جنبيه
علام الليل .. في رحلت وصالك .. زاد ديجوره

شبعنا .. يازماني من جفاه .. وليتنا .. نرضيه
نضحي .. والليالي كِنّها .. بالحب .. مسعوره

ياقلبي ويش أسوي ؟.. أرزع الطيبه .. وأجي أجنيه
وألآقي إيديّ .. في لحظة .. جناه .. تصير مبتوره

ولا فاد إنتظاري وسط .. صالات الأمل .. أرجيه
وأشبّ الجرح نار .. وأفرج لدمعات .. مأسوره

وأشد الحيل .. في كسر الحواجز .. بيننا .. وأشريه
وأشوف الأجنحه .. لاسافرت له .. تطيح مكسوره

وإذا كان .. أرحم عذاب .. لشوفتي يهديه
أنا راضي غيابه .. والعذاب .. تكون له >> دوره