الورده الحمراء - جمعان خلف الرشيدي

حطي عيونك في عيوني دقايق
حتى تذوب الروح في داخل الروح

تشابهت عندي جميع الوثايق
في وسط غبه ماسكٍ لي طرف لوح

من عام الأول من غلاك امتضايق
واليوم هاذي ساعة الحسم والبوح

أمّا انتفاهم في جميع الحقايق
وإلاّ باشيل اللي بقى منك وآروح

تكفي مع الذكرى الجروح العتايق
اللي زرعتيهن على غير مصلوح

لاصار من بيني وبينك عوايق
جرح الشعور ولاحقيقة ولد نوح

الصيف مايرحم زهور الحدايق
الورده الحمرا معه مالها روح

© 2024 - موقع الشعر