طفلة

لـ جديع الملعبي، ، في غير مُحدد

طفلة - جديع الملعبي

طفلةٍ تلعب ابقلبي وتلعب فأضلعي
كل ما في الارض لعيونها يفدونها

يوم كنت ابقربها هي تلذذ بوجعي
والمصيبه اني انا اشوفها بعيونها

لاقدرت انطق لها وقفي ولاتعي
ماتسوي في جريح الهوى مجنونها

ام ثغرٍ لانظرته اضيّع موضعي
وعينها تذبح الياغمضت بجفونها

ثم راحت عني اوكاد ماراحت معي
والله اني مالقيت الهنا من دونها

دام انا اللي خاربٍ بيت عيني باصبعي
وعارفٍ حالي بعد ماتروح اشلونها

ليه اسامحها وانا ما قويتك يا أربعي
كيف في لحظه غلب عذرها مفتونها

ماعلي من الحكي هي مناي ومطمعي
هي لي الدنيا بتشكيلها وفنونها

هي غلا روحي وقلبي وشوفي وسمعي
لو اعيش الدهر كله حشى ما اخونها

كل عضوٍ بعدها في جا يبكي معي
ليه ما يرحم اعيوني سواد اعيونها

© 2024 - موقع الشعر