طفلة الدكان

لـ مفلح نجم، ، في الغزل والوصف، 5

طفلة الدكان - مفلح نجم

هلا يامرحبا بالهاجس اللي مرني عجلان
وسير  بي  على عامٍ مضى في خمسه وتسعين

وصور فرحه  وذكرى قديمة ترفض النسيان
حكاية  عشق مجنونه كتبها الله لوتدرين

عطتني روح. والارواح وهبه من عظيم الشان
الاياكبرني لا شفت في عينك وفا الغالين

و الاياكبرني لاجيت اسولف لك عن اللي كان
وجيتيني  بهمس الشوق وحروفك على تلين

والا ياكبرني ل اوحيت ( بابا) لامتى سهران
بسامر كل ما يشغلك واحبك. ليوم الدين

والا ياكبرني لامن ضحكتي والهموم الوان
وذاب الهم بين الجمر وجنون البرد والتين

ولا ياكبرني لا اشتد عودك والعن الشيطان
واسمي واذكر الله يحفظك من سكةالغاوين

كبرتي يابعدهم والعمر مرار والازمان
ولازلتي بعيني الطفله اللي تعشقين الطين

وتبني هناك غرفتها وغرفة امها باتقان
وتصرخ بابه بجنبي واذا نرفض قهر تبكين

و لا زلتي بعيني طفلتي اللي تنتظر احيان
على الشباك وتغني يجي با يجي هالحين

ولازلت بعيني طفلتي اللي تقلب الدكان
تبي هذي وتبي هذي وتزعل ل أسمعت بعدين

ولازلت بعيني طفلتي ومريولها. الفتان
وقبتها وضفايرها. وحرف الثا بدال السين

ولازلت اذكر العابك. وكراسك مع الالوان
وعرايسك وتصنعك الامومه وكنك تخافين

ولازلتي شبابيك الأمل والنور والإيمان
ولازلتي بعيني طفلتي لوطفتي السبعين

. ولازلتي ولازلتي ولازلتي  وانا انسان
اخاف من الموادع والحنين ولهفة الغالين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر