الدانة . البحرين - متروك بن متعب الفراهدي

صياد وتهت وسط هالموج وظلمات البحور
رميت أشباكي بسم الله والحظ جابلي دانه

صدتها ومن الفرحه قلبي قام يرتجف مسرور
دانه تسوى جبال من الذهب وأوزان اوزانه

من جمالها لا بغيت أحكي ماتوفي السطور
يصير الواحد قدامها أبكم وتذهب أحزانه

سألتها من أنتي يالي الزين فيج مذخور
ردت انا الي القمر ينزح لي واناأقعد مكانه

انا بلاد الزين الي أبد على أهلي ما جور
من عادات أهلي الكرم والسنع والرزانه

انا البحرين الي دوم الخير فيني معمور
والي يراهن ضدي أكيد انه بيخسر رهانه

قلت بميل عقالي وبقول بالصوت الجهور
ونعم والله ولا خير بالي ما يوفيج بألحانه

لساني يوقف عند ذكرج يبحرين يم البحور
يالي بوسط الخليج منورة دانه في وسط دانه

دوم أنتي ام الخير ودروبج نزرعها بزهور
والي سكن في ترابج عز الله سلطان زمانه

عناوين مشابه

سلطان الجلاوي
مريم الصايغ
مريم الصايغ
مريم الصايغ
مريم الصايغ
© 2024 - موقع الشعر