سلام ياشيخ - ثامر الشلاقي

سلام ياشيخ كسبت التماجيد
سلام ياشيخ فعولك أكيده

سلام مني يأبو ماضي وأبي زيد
فوق العدد مليون مثله وأزيده

سلام ياللي شاف قاف القواصيد
عنك مال طيبك والخصال الحميده

وعيدك مبارك عادك الله على العيد
عليك يافرز الوغى عاد عيده

وأجارك الله من لقاح الملابيد
يانازل تعرف نهار المكيده

طيبك بحر ماله مقاس وتحديد
للشعر لشعار تقوى تحديده

يأبو اليمين الى تفك المضاهيد
كم وأحد باسبابكم فك قيده

وكم من رجال جت ضحية بتاكيد
جاهك وسعيك أطلقه من حديده

وكم عالم بغت تثور البواريد
من بينهم لولاك شبت وقيده

ولك فزعة ماله مواعد وتقصيد
ماجاك رجل مرتين لوعيده

الا لياسجت شيوخ المواعيد
وقضت أعلوم أسماء شيوخ الجريده

لك وقفة بالمعضله مثل أبا زيد
أو عنتر الشداد وقت المكيده

وتشهد بما أقوله جميع الاجاويد
يشهد بقولي كل حر وليده

تشهد سكاكا وأهل حائل وأهل فيد
طيبك ويشهد كل نادر سديده

© 2024 - موقع الشعر