سهرت روحي

لـ تركي السواط، ، بواسطة غادة العلوي، في غير مُحدد

سهرت روحي - تركي السواط

ذكرت انا ليلة(ن) قابلتها فيها
ليله بعدها مليت من الحزن كاسي

من قبلها كنت اشب النار واطفيها
والحين ماتنطفي ناري ولا باسي

مزيونة(ن) سهرت روحي لياليها
وبعيونها >>يا مناحي<< شيبت راسي

فيها من الغنج كثر الله معطيها
وفيها احتياطي من التلويع واساسي

قفت وراحت وانا عيني تناديها
وبعالي الصوت قلت القلب حساسي

وشلون ماترحمينه يامعاليها
وشلون وشلون ثم انقطعت انفاسي

واحترت مدري سواتي كيف اسويها
الحل ضايع وانا بالوضع محتاسي

والروح بالهم غرت بس اداريها
واهون الحزن لو شافوه جلاسي

واعيد افكر اروح اتبع خطاويها
والا عساها تحن وتروي يباسي

يمكن لذاك المكان الله يهديها
وترد له لو رحمني قلبها القاسي

والا بدرب الفراق ابعد واخليها
تمشي على كيفها وانا اعلن افلاسي

© 2024 - موقع الشعر