الشمعه المضويه - تركي السواط

الله اكبر يالزمان اللي تعني فيه
الله اكبر انت سبة كل شي(ن) جاني

صرت لك حلم(ن) بلا رحمة ولاماويه
دايم(ن) بين العرب تسعالي وتبغاني

يوم شملي مع هوا بالي نظر عينيه
اجتمع جيت وتحاول بالغصب تنهاني

بس والله ثم والله منت ند(ن) ليه
دامني عاشق هواها كيف تتحداني

هي حياة الروح هي عشق(ن) ولافي زيه
حبها داخل فوادي شيد البنياني

حبها قلبي وخطيت العهد بيديه
ان طول العمر لانساها ولاتنساني

بعدها جت لي وقالت كلمه بحنيه
صرت والله وسط قلبي عايش(ن) وحداني

انت ياتركي حياة(ن) بالعمر مشريه
انت فرحي والسعاده وانت نور اعياني

قلت يانور القمر يالشمعه المضويه
يشهد الله ان حبك يجري بشرياني

انتي اللي من حياتي فزت به يبنيه
آه لو شفتي غرامك وين هو وداني

صرت اسولف بك على نفسي وكل شويه
من كثر معشقك زادت حالتي وجناني

وصرت اشوفك وردة(ن) من خافقي مرويه
ولجلك انتي ياغرامي ثاير(ن) وجداني

انتي افراح العمر واحلامي الورديه
ياربيع الروح يازهر(ن) نبت باوطاني

كان وقت شمس فأنتي لي ظلال وفيه
وكان وقتي بارد(ن) قربك ترى دفاني

يكفي اني لانظرت عيونك السحريه
ينشرح بالي وليلي مايجيب احزاني

ويكفي اني قد عطيتك كامل الحريه
سوي اللي يعجبك يالهفتي واشجاني

آمريني واطلبيني بين ذيك وذيه
واسمعي قولة من عيوني تجي بلساني

في طريقك ماشي ولاشفت في السيه
ولو دقيقه صرت واقف حبنا ينخاني

اعترف لك يوم جبت ابياتي الشعريه
ان طيفك مايفارقني ولاخلاني

واسمعي آخر كلامي دام روحي حيه!!
والله اني عن هواك الكون مايحداني

© 2024 - موقع الشعر