حضن الليل - حمود ناصر عبدالله

سرى لليل هوجاسي
وشافه وقام يحضني

وطبطب لي على احساسي
وقال يانجوم له غني

وردت زفرت انفاسي
تقول يا ليل طمني

عسى محبوبيَ القاسي
زارك يسألك عني

وان كان صارلي ناسي
وبالنسيان متهني

قله يرد لي نعاسي
اللي سارقه مني

***
اكيد ياليل تدريبه

هجرني من زمان وغاب
غاب وطول الغيبه

وافكاري وراه اسراب
على الاغصان تغني به

الين جا للشجر حطاب
واشعل نار تعذيبه

وقلبي من لهبها ذاب
ابيك ياليل لي تجيبه

يا موطن ملتقى الاحباب
تعب هوجاسي يسريبه

تعب يسأل عن الاسباب
© 2024 - موقع الشعر