الناس تسمع قصيدي ثم تعجبي
وتقول الافكار مبدع كيف جايبها
ماتدري ان الزمن ضدي ويلعبي
وصكات بقعاء على وجهي تجاربها
دنيا ذراها لقيته نار تشتبي
الشر موجب لها والخير سالبها
فيها الردى يمتدح والطيب ينسبي
واهل الشوارب تعذربها شواربها
عانيت من جرحي وعانيت من طبي
وعانيت من ساعتٍ ماتت عقاربها
اتبع بساقي هبايب كل من هبي
واثر البلا لا تبع ساقي هبايبها
وامطقطقين الصدور اللي تزهل بي
لا جيتها صافحت عيني غواربها
جملة تجارب تلم الكره والحبي
لو شتت واجبي لميت واجبها
وانا احتمي ماقفي مارحت متغبي
اقف على ساق فوق الارض ناصبها
ماني فرزدق ولاني بعد متنبي
لكنّ انا شاعرن كلمته حاسبها
قارب هجوسي ببحر الشعر لا طبي
اهل القوارب تضايق في قواربها
مومن ولامن دعيت اقول ياربي
تغفر ذنوبي ليامن جيت جالبها
ولا القصيده سببها جرح ينزف بي
( ماهو على شان خلق الله كاتبها )
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.