قمر خــدرآن

* قِمر خدرآن .. وأوشك في مغيبه
طوآل الليل .. يستنّى حبيبه
 
 
 
* سَهر .. ينطر مقآآآدير الليالي
ولاكنْ القدر .. عيّآآ يجيبه
 
 
 
* يجر أحزان ليله .. بالربابه
وهمْ الكون كله .. يلتويبه
 
 
 
* ألين .. ; الإنتظار يكون قاسي
إذا عاشه .. ورى شك ٍ وريبه
 
 
 
* فلا بالظن .. أحسَن .. بالنوايا
مدام الشك .. ولّع به لهيبه
 
 
 
* ولا قال الظروف إحجاب .. { بيني;
وبينه } .. ياعسى ماهي مشِيبه
 
 
 
* ولا قال الدهر في يوم .. يمكن
على من يسكن عروقي .. قسيبه
 
 
 
* ولا يدري .. بأني .. لو أفكر
بنسيانه .. ترى هذي .. مصيبه
 
 
 
* أنا / ياريحة العِشق .. المعتّق
جروحي .. من نواياكم عطيبه
 
 
 
* لفيت أمشي على الأشوآك حآفي
دفعت الروح / من شانك .. ضريبه
 
 
 
* عتبْ .. ياسكّتي فيني .. وكلّي
تعبْ .. والعاشق يحصل .. نصيبه
 
 
 
* وأنا ماني ب/متندّم .. ولاكن
عَمآني ظنك .. وهذي غريبه
 
 
 
* أخاف إندور .. وتدور الليالي
وتصبح ليلة الفرقآ .. قريبه
 
 
 
* وإذا كان الهوى .. خآلي صراحه
أمآنه قول .. يالله .. وش نبي به
 
 
 
* فلا يشكي .. من الحب .. الهواوي
إذا شاف الهوى .. ثم ِ مشي به
 
 
 
* وأنا في حبك آضحي .. وأضحي
لو إني شفت في حبك .. غليبه
 
 
 
* يكفيني .. مع الإصرار .. قوه
على صون الهوى من كل غيبه
 
 
 
* وإذا برد الغياب .. يزيد رجفي
أحمّي مِخْيَطك .. ثم أكتويبه
 
 
 
* وأفسر عن زنود الحب وأمشي
وإذا شفت الصعيبات أنتخيبه
 
 
 
* وأكملّ رحلتي .. من شآن عينك
لو إن ظروف شوفاتك ; صعيبه
 
 
 
* وأصير العاشق أللي باع روحه
لجل خله .. ولا حَي ٍ دريبه
 
 
 
* وإذا شفت الرموش .. المستظله
أعاملها .. بكل لطف ٍ .. وطيبه
 
 
 
* وإذا ماشفتها .. ياشيب عيني
على قلبي .. ولدري وش .. يصيبه