يا عيوني

لا تنامي يا عيوني بعد ما خلّي هجر
واسهري بي في ليالي عشقها برد وغيوم

واهتني من جفن ليلك جمر دمعاتك سهر
وانثريني في دجاكي لاحجب عنكِ النجوم

وان دموعك يا عيوني ما بقي فيها جمر
اشعلي وجدي اللي فاسه يحطب بليلك هموم

واشرحي للغيم شوقي اللي ما مل الصبر
مهما بعده طال عني مهما صده لي يدوم

وامسحي دمعك بفجرك وللأمل مدي النظر
علّ طيفه في سرابك يلمحه دمعك يحوم

واجري بعده في دروبٍ تشعق اقدام السفر
واسكبيني في بحورٍ تعشق انفاسي تعوم

واتركيني هناك وحدي اشرب امواج القهر
وانسي همك ياعيوني واهجعي لا جاكِ نوم