يا عيوني

يا عيوني ترجين الخبر من يوديلك خبر
والخبر يا عيوني زل حتنه وش انتي في رجاه

كل ما ادز برقيه ومكتوب كنه بالبحر
وان دفعت المسجل صار حربي وديرانه وراه

كل ما زل لي حسبت شهر قلت اضنه هالشهر
واستوا بين صج وكذب ماشفت علم ولا وصاه

وان بغيت اتعذر عنك يا زين ما فاد العذر
مير ليني حفرت الجال ابي ماه حدتني صفاه

هيه يابو ثمان ٍ كنه ٍ جحويان ٍ له زهر
او مثل حب رمان ٍ توه على اول مستواه

ليتني فيك يا مركوز الانهاد حققت النظر
اطلب الله هو الخلاق دام ٍ عمري بالحياه

عودها عود موز ٍ ناعم ٍ له على فئ ونهر
طول الايام قيظه و الشتاء يا صل لمثناه و ماه