حبـر دمّْـي

وشلون أبنشد عاشقٍ تحت الأشواق
من كثر شوقه للغلا مثرٍ فيه

كل ماسألته قال وشلون ينطاق
مثل العسل في وسطه السم يخفيه

يكتب حبر دمّْه على بيض الأوراق
ويمسح كتاباته بدمعه ويسقيه

وكل ماسألني قلت خلك بالأذواق
يمكن تجي صدفه ويسقيك حاليه

ضمّه بحنيّه مثل ضمّة إرفاق
لعله يبادل شعورك ويهديه

صاحبك ريقه ينبلع بعد الاعناق
أرفق على حاله ترى الوقت مشقيه

فيه النعومه والدلع يسرق إسراق
ومن اللثامه تطعن بقلب غاليه

ياليتني في حظنه الليل وأنساق
بين الشفايف والهدب شي ناويه

أبحلم بزوله وأنا بين الأشواق
وليا وصله الحلم يمكن يسليه

ترى خفوقي باقيٍ بعد مافاق
أشبك يدينك بالغلا وسط أياديه

الشاعر أحمد علي المحقني