لو بيدي

ماجور ياولد الموامين ماجور
ويزول عنك الباس ياتاج راسي

هذا مقدر لك ولافيه منكور
واللي خذا يعطي ولاهو بناسي

جل وتعالى ربنا منزل النور
ادعيه في ليلن ظلامه غساسي

يزيل مابك خالقي مجلي الجور
ويشفيك ربي يابعد كل ناسي

اصبر وصابر واحتسب واسمع الشور
واخذ الصحيح وخل عنك المئآسي

والله لو بيدي لخليك مسرور
وكافح اوجاعك بصبر وحماسي

لكن عيني بالنظر تعبر ابحور
وكفي على مد النظر ماتقاسي