وآخذك بيدي

يالله نمشي !
بس ماشفتي " أحبك " وسط رمشي !!

نامي .. مثل ماينام البرد ب ضلوعي
............. واصحي بعد مثل ماتصحى ... تناهيدي

ماكان بيدي .. تطيح ل حزنك دموعي
............. ولاكان بيدي ..أروح .. وتتركك إيدي !

ماقلت لك لو يخاف الخوف من جوعي
............. يمديه يشبع من اللهفة ... ب أناشيدي

ويمديه يشعل أساي ويطفي شموعي
............. ويمديه يذبح حمامة غنّت .. ب عيدي

ياشمعة الحب لاجل الحب .. لاتموعي
............. خليني أضوي على نورك .. مواعيدي

منهو يهدّي بعد فرقاك ... من روعي
............. والحزن اشوفه نوى للناس ترديدي !

ياطفلتي جفّ بعد الوصل .. ينبوعي !
............. يزيد همّي ( كفّاني هم ).. لا تزيدي !!

هِنا تعالي ونامي بآآخر ... ضلوعي !
............. بشويش مابي تصحّي بي .. تناهيدي !

وإذا على الحزن والأشواق .. ودموعي !
............. بدفن حبيبك معاهم ..... وآخذك بيدي !

على بالي !
أجيب " الصبّح " في كفّك وأضم ّ " الليل " ب لحالي !