باقي وصالك

شفني أنا جيتك و كلّي حلالك
خذني قَبِل لاينْكِسر خاطِري فيك

وعطني كِثُر ما تمْتِلك من دلالك
وخل الجفا للي يحاول يجافيك

هذا أنا جنْبُك و عيني فدا لك
وهذا خفوقي جاكْ ودّه يسلّيك

لاتكسر الخاطر بِودّه يطالك
خل الدلع لحْظة أداريك لشْريك

قلبي تِشوفه ! من ظروفه حوالك !
مثل القُمَر يسهر على شانْ يضْويك

ما جيتْ لك أبغي حَلالك ومَالك
ولا جيتْ لك خاين أحاول أراضيك

الدرب لوْصَلْ لك كثير المهالك
والرِجْلْ عيّت غيرْ توصل لأراضيك

والله لو وصلك / ألامس ظِلالك
أبْطيتْ فوقه لينْ ألمس أياديك

معقولْ يعني أتركك بس لحالك ؟!
طبعي أشيلك وسْطْ عيني و دفّيك

لو قلتْ لي أعمى عَسَى مو بْفالك
بآقولْ لك أبغاكْ وابغاكْ وابغيك

صِدْقِ بْعِيونك يستوي النورْ حالِك
لكن خفوقك غيرْ / يقدر يدلّيك

وقلبي لجِلْ توصل أراضيه سالك
وهذي وصيّة كان تبغي أوصّيك

أرضي جفاها الشوق/لو من خلالك
ترجع تبلِّلها / ترابي يناديك

القلبْ لك لهفان يبغي ينالك !
خل بمَتاعك شوقْ / مازال يمديك

قلبي صَبَر واليومْ باقي وصالك
وأرضي تَحِتْ رجْليْك تبغي تحيّيك

احتلِّني راضي أنا باحتلالك
وشلون ماْرضى لينْ قلبي يغلّيك