فضل الوالدين

لـ حميد المخلوق، ، بواسطة عذاري، في غير مُحدد

فضل الوالدين - حميد المخلوق

أمي مثل ماهي ولو صاب الزمن تغيير
تتعب وتشقى والصبر أفضل محامدها

أمي فدا روحي وقلبي بالفدا تعمير
تزعل يجيني الهم ضميري يناشدها

تصبر و تسهر من أجل راحة أهلها خير
وتصير وقت الضيق خيك وانت شاهدها

عمري وروحي والوفا في مرتضاها غير
الله يحفظها من عيون اللي يحاسدها

تامر علي أسرع ولبّي بالطلب واطير
وارجع لها بالحال يمها طيب قاصدها

لابي أزعلها ولابي بيننا تكسير
أبي اكون إلها الأمل واصير ماردها

وابوي من خير الرجال اللي اعتلوا التطوير
همّه يتم شغله على أكمل مواعدها

يطلع على وجه الصباح اللي صحى بكير
وليا رحل نوره رجع نعسان خالدها

كل يوم حاله يوم في حالة وجع تفكير
أو يوم من أحلى الليالي من موالدها

الوالدين أروع صور لا جيتهم تصوير
أمي لها نور القمر واحنا لها ساعدها

والوالد ازهد والسبب شمسه عمى التنوير
وشلون مايعميه وهو الشمس والدها

© 2024 - موقع الشعر