( حـظّ مرآيتـك ) ! - فيصل بن دبيل

أنت .. / حتى لسانك يسمّّي عليك ..
لا ابتسمت وجيت عند مرايتك ..!!

جل ربٍ .، حط كل الملح فيك ..
و فوق عرش الزين .. / ناصب رايتك ..!!

في وصوف الحسن .. / عيّنت المليك ..!!
كل شي ٍ منك .. / ينعدّ آيتك ..!!

الله امْنْ عِيون حاسِدْك ، يٍحَمِيْك ..
وأحمد الله .، تسترك عبايتك ..!!

والدلع .. / حتى الدلع ، منّك وإليك ..
كنّه مربى .، على تربايتك ..!!

لو يجرّ لحون شعره .. / مهتويك ..
في وصوفك .. / ما وصل لبدايتك ..!!

و لو يلدّ العين عن هذي ، و ذيك ..
ولو زهد فالحب ، ما هو فايتك ..

لأجلك / يبيع الحياه ، ويشتريك ..
ويرهن اللي يملكه .. / لحمايتك ..!

من لمحتك ، حلم عمري مبتديك ..
ومتكفل لك .، بحق رعايتك ..

في خفوق ٍ ، ما يبي غيرك .، يبيك ..
مرحبا بك ، لين توصل غايتك ..!!

ولا هاك الروح ، في راحة يديك ..
المشاعر .. / كلبوها جايتك ..!!

وما يلام لسانك .. / إن سمّى عليك ..!!
مير يا حظّه ..، وحظّ مرايتك ..!!

© 2024 - موقع الشعر