المعنى الرفيع

عزتي للقاف والوزن والمعنى الرفيع
منك ياجيلن تعلقت بالقيفانيه.

وعزتي للسوق والبيع والحض الوضيع
والعمر ماهو بمقياس للشجعانيه  

الدهر دوار والكل يشري مايبيع
 والجواهر فانيه والمعادن فانيه

  من يضيع صيدته في عجاجه لو يضيع
مانلوم الا من يرجح الميزانيه.

 الفلك دوار وفجوج نجد اللي وسيع
مايهمه لو تبي تكثر العربانيه

 الامانه ماحفظها ولا يحسب وديع
  من يضن الزنك يشبهله المرجانيه.

لوتصنع مايفيده ولايحسن صنيع
 مير جاوب كان توحي عوا سرحانيه.

سرها للصبح لأكن لاتقرع قريع
 انق لي من طيب الكيف والريحانيه

 و سرها نبغا خزاعه ولا نبغا نقيع
 لين نعرف نفتح ونقفل البيبانيه.

لو تصنعنا ترى الزبد لابده يميع
حقنا من لحمة الكبش راس الضانيه

ابشر بدرب السنع بين ضلع وبين ريع
 وانت اظنك من قريب العرب والا العانيه

السبور تعلم اهل القعيده بالمنيع.
 وانت هات القاصيه قبل جلب الدانيه.

 فيه علمن فالاذاعه يقولونه شنيع
 جابه العدوان مادري عن الصدقانيه

. والله اني نجم وانته مثل حضرت مذيع
والبشر تكتب على الصحف والجدرانيه

 مانته امحقق تحقق مع الشيخ البتيع
الخبر تلقاه عند الجنود الفانيه.

يانجم ماصار لك نور ماتلمع لميع
ماذكروك الحضر تلمع ولا البدوانيه. 

   والله اني شاعرن يستحق انه يشيع
 اسمي المشهور  بين الحسا وعمانيه

خل درب المهايط ترا دربه لكيع
ونت خلك يم دارك مع الرعيانيه

مابلشنا بالبقوم ولابلشنا في سبيع
مكتفي بسوفنا في نحا القومانيه. 

المهايط  شيبت راس مولود ورضيع
 في تقلبها الدقيقه تظيم الثانيه

. اشهد اني انزل الدار لازان الربيع
 / دام جداني مطنخ روس من لوقانيه