حان الوداع

لـ سعد الطبيخي، ، في غير مُحدد، آخر تحديث

حان الوداع - سعد الطبيخي

تعبت ادورلك عذر وانت بغياب
دام الغلا ياخلي اليوم مهجور
ياليت تقرأ مافي عيني من اتعاب
وتشوق قلبن ياكثر منك مكسور
 
الدمع غرق محجر ارموش الاهداب
والقلب منك بيح العمر مقهور
هذا وقلبي رافعك فوق الاقراب
ويروح ذكر لك على الخير مذكور
 
انت القريب وكيف هالحب مرتاب
لك راح شوقن كان بالقلب منثور
ماشفت بعيونك مشاريه وعتاب
ولا عاد ابي منك وما بيك مشكور
 
تمشي وانا امشي يالغلا ونصبح اغراب
وابشر بقلبن يجهل الظيم معذور
حان الوداع اللي على الجرح منصاب
وشلي بقلبن خالين حس وشعور
 
واليوم انا صكرت بابن ورى باب
ماعادلي لمعاند الجرح مقدور
شفني سترت الجرح ولاني بكذاب
الله معك من وين متروح مستور
 
دام القطاعه مالها عندك اسباب
دام الوصل في عينكم صار مبتور
مالي ومال الجرح يابنت الاقراب
ماحب اعيش الوقت تاليه مغدور
 
صبري نفذ ماعاد به حمل الاتعاب
يكفي على عيني بها الدمع مهدور
وان قاله الله لترك الحب لسباب
اللي يبع القلب بالقلب محظور
 
ياعنك ماني عنك انا اليوم غلاب
وماني من اللي فيك انا اليوم مخسور
وان كان بعدك فيه جرحي ترى تاب
قلبن يعيش اليوم من بعدك اقصور
 
جرحن تولاني ترى ابيعه بحساب
قدرن قليل يمحي بين الاسطور
يعني توكل خلك اليوم بتعاب
تعيش يومك كنك اليوم مسحور
 
وان شافتك عيني ترى الشوق ماذاب
ماعادلك حبن ولا عادلك نور
بعد الفراق اللي له القلب ماهاب
وشلي بقلبن خالين حس وشعور

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر