طالبك عطني يدك

مشتاق لك يالغلا بالحيل مشتاقي
عذبني الشوق والاشواق حراقه

راقي في حبك وقلبي يعشق الراقي
تجمعت صارت احلى اورود في باقه

لاجيت ابكتب حروف اسمك على اوراقي
العين تدمع وله والنفس تواقه

لشوفتك ياحبيبي متعبن ساقي
تمشيلك الروح والاقدام منساقه

زرعت شعري غلا وافكاري الساقي
وجفت مشاعر خفوقي / حتت اوراقه

وصلك يزيد المحبه ويزهر اعماقي
وبعدك يلوع خفوقي / يحرق اشواقه

تعال ناظر غلاك ف داخل احداقي
تشوف حبك في وسط العين براقه

طالبك عطني يدك واتركلي الباقي
مخزون شعري عليكم ناوي انفاقه

ان جيت غالي واذا ماجيت باعماقي
تبقى حبيبي وقلبي محكم اوثاقه