كتبت الحرف من نزف الجروحي - راشد ابن شهلان

تعبت امشي وراء درب الطموحي
واداري في طريقي كل طيحه

بروق الياس في دربي تلوحي
واماَل النفس مقتوله طريحه

وصفحاتي من اقلامي تنوحي
ابي اسلى واثاريها جريحه

كتبت الحرف من نزف الجروحي
نعيت الحلم وادخلته ضريحه

علام الحظ يارايد شحوحي
وملامح فرحتي صارت قبيحه

اشوف الناس مافيهم نصوحي
اذا قفيت لحمي تستبيحه

عطيت الكل من نبضي وروحي
وخسرت الكل من طيب النصيحه

واذا روحي نوتَ مني تروحي
ابيهم يذكرون الله يبيحه

© 2024 - موقع الشعر