يالشاعر المبدع ترى الوضع مدسوس
لاكن اعرف انك تجيد الفراسه
العلم جابه طير ماجابه عسوس
والقاع خضرا في طرفها يباسه
اخذ من الدنيا تعاليم وادروس
مالا خذيته في صفوف الدراسه
اعلق احلامي بمشبك ودبوس
وكل يوم اشوف الحلم فيه انتكاسه
الروس تبقى روس ماتطمن الروس
والا الذنب يقضي حياته ابلاسه
والبشت جاه ووجه ماهوب ملبوس
يوم ان ولد اللاش رزه لباسه
وش جمّع اهل الفرس مع شلة الروس
(الدين غير الدين ! مير السياسه؟)
انهار تجري والنخل ضاربه سوس
مات النخل ياخوك باول غراسه
عطني الخبر وانا مثل بالع الموس
في الحالتين الوضع فيه انتكاسه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين