تدري وش اقسى من غيابك ليا غبت ؟؟

تدري وش اقسى من غيابك ليا غبتّ ؟
صورتك تقطع .... كل ليله منامي

كنت احسب اني من جروح الغلا طبتّ
والجرح: متمكن: ومبطي: ودامي

لاطاب حظي وانت في طعنتي طبتّ
الوقت حامي وانت : بالجرح حامي

حاولت اتوب وراح عمري ولا تبتّ
حبك شراب القلب والقلب ظامي

اعيش في ضيقه من السبت للسبت
رزنامتي تبكي .... وحالي عدامي

هذا اعترافي بني مخطي ولا صبتّ
هو من متى ... حظي تجملّ وقامي

صامت ماحب الهرج وش جاب وش جبتّ
لاكن غيابك .....هو سبايب كلامي

اسّمع ترى من غيبتك يالغلا شبتّ
وهاذي طعونك في محاني اعظامي

باعطيك فرصه للوفا ... لليلة السبتّ
اما تجي والا... عليك السلامي