مدي يدك

دام البدر نوره جلا عنا الظلام
مدي يدك وانا على قلبك امين

و هاتي احاسيسك وهيا للغرام
البعد ماينفع مادام انك تبين

اي والله ان القرب من زولك سلام
وانتي بعد بلي اقوله تشعرين

لو بقضي ايامي معك كبر وخصام
واثق بأني لا دعيتك ترجعين 

حلقت باحساسي معك فوق الغمام
وجحدت ما قاسيت في غبر السنين

واهبك ربي فوق حشمتك التزام
لا شفتي الدرب العوج ماتنحنين

مادام ربي كملك حسن وقوام
ماني ملام ان صرت في حبك رهين

ملامحك للزين تبلغك المرام
غصبٍ على قلبي مع زينك يلين

تبارك الله كيف هذا الأنسجام
انشهد ان عذري على حبك سمين

لو طال معك الهرج ما امل الكلام
و سوالفك تروي كبود المتعبين

حنا وصلنا بالهوى حد الهيام
وانا ترا جدا لأيامي مدين

والصدفه الي جابتك وانا حطام
من بعدها ماعاد لي خاطر حزين