شموخي

لـ أحمد الظفيري، ، في غير مُحدد، آخر تحديث

شموخي - أحمد الظفيري

ما كلِّ طيرن في عيوني بطلبه
لاني من اللي يشترون المرجله
واعرف بكل طيرن مِشى من مخلبه
وادري بسيف الراس وشهو مدهله
ما ني من اللي يوصفونه مزلبه
واللي تهاوى تحتويه المزبله
واللي رقى فوق الجبل ما يرهبه
راسه أبى ما ينزله لو مقتله
قلبي لكل رجلن لقا به يكسبه
لان السبع غير السبع ما يقبله
ثوب الردى محدن يجيله يقربه
الا الذباب اللي تربى البهذله
ما كلِّ ثوبن في شرايا بصحبه
لاني شريت الزين فيها واكمله
واسرج بخيل المجد وابهي مركَبه
علم المراجل والمعالي ما اجهله
واسطر فعولي للمراجل مكتبَه
واصبر كما صبر الجمل في محمله
واعرف متى سيفي بيظما مَشرَبه
وادري متى حلمي يفك المسأله
مثلي صقر وقت الشدايد مَحسبه
واطيب مقامن لي التواضع واجمله
قلبي نهج صدق المراجل مذهبه
لين اعتنق نور البصيره مكحله
كلي ببوي الفخر جاني مضربه
جدن ورا جدن شموخي مَطْوَله
يالله سئلتك بالختام اعلا مرتبه
واسعد جوابن يوم ترضى واجلله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر