الشمع ماع وانت طوّلت ماجيت
........ وماعت عيوني مع شموع انتضاري
عزيت عيني وانت ماجيت عزيت
........ الله يعظم اجري ب دمع جاري !
جاورتك العشق العفيف وتغاضيت
........ عن كل زلة اوجعتني ياجاري
وزدت الحطب بضلوع قلبي وتبنيت
........ طفل الحزن في صدري وزدت ناري !
ياليت انا ادري ياللي بالحب شحيت
........ قلبي شيبي بك ؟/ وانت حبك صحاري
ذوقتني طعم الضما / والتناهيت
........ وارويتني من طعم / ماء انكساري !
( انا الحزن / نحلت منه وتطويت
........ شوفي ملامح وجهي وأصفراري !
وانت الشحم غطاك وأثبات لاجيت
........ تلبس هدومك لوّله كنك عاري !
حظي سهر / يومك تخليت واقفيت
........ وحظك تنام / وما فبالك طواري !)
شتتني / ياسيد الغيد تشتيت
........ للناس ناسي لاولا والدار داري !
امشي طريق اللي يقولون ياليت
........ واقول ياليت الهوى أختياري !
والله ماكان ب جروحي تغنيت
........ ولاكنت انت اللي يحدد مداري !
بس المصيبه جيت بنساك/ وازريت
........ كن العقل يوقف وقوف اضطراري !
حسبي عليك شلون عني تخليت
........ وانا وهبتك من خفوقي ثماري !
وكانك تبي تسال ..انا صدق حبيت؟
........ شوفي ملامح وجهي واصفراري!
الشمس واشعاري / مع شرفة البيت
........ تشهد على حبي / ويشهد سماري !

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين