الاول

صدعت راسي بالحكي يالمهول
ممكن احصل معك حبة بنادول

حسبك ويكفي ما حصل لا تقول
كلن من الواقع محطم ومذهول

هذا انت يا نصاب بالصف الاول
والحق من دونك مكتف ومشلول

مطلوب حق وفي الشوارع تجول
ظالم ومن حكم العدل صرت مكفول

مهوب الاول بس عندك تحول
حاضر حياتي من سبايبك مجهول

قصدك تقول انك هنيا من اول
قلها وكلش صار ممكن ومعقول

عاش المخالف والنظامي تسول
ساهر شبع وأصبح مطنش ومشغول

شف يا حكم بالله وشلون قول
والله تسلل بس محسوب له قول

ما يصبر الجمهوروالوضع طول
جمهورنا فاهم ولا هوب مهبول

هيه كذا مضمونها لا يحول
عنوانها واضح وتفهم على طول