كلمة عتاب وهمسة بين أذانيه - اسيرة الصمت

كلمة عتاب وهمسة بين أذانيه
سجلتها من دم قلبي له أشعار

يا كيف يهجر من يحبه ويغليه
ويجر قلب اللي يحبه على نار

جرح الهوى حير أطباء(ن) تداويه
 احترت انا والجرح بالحب محتار

لا جيت بثيابي عن الناس اغطيه
يفضحني دمع(ن) من على الخد مدرار

يقفي وأنا عيني تهل وتراعيه
يقفي وينسى كل ما بيننا صار

حاولت ابرر له وخاطره اداريه
ازريت  من همي وانا ألمس له أعذار

أشتقت أنا لاسمه وحبيت أناديه
باسم الدلع حقه مثل ما هو اختار

واشتقت انا لشهد يغلف حكاويه
اشتقت للدر الذي بوسط محار

واشتقت لاسمي يعزفه بين أشافيه
أحلى لحن معزوف من دون الأوتار

 عشقت والشاعر من أكبر بلاويه
لا من عشق يهب في قلبه اعصار!

© 2024 - موقع الشعر