وكر الصقور

اذا اختلط وكر الصقور بشي من ريش النعام
تنبت مخاليب الرخم واسترخمت منها الصقور

وانشلّت كفوف الشهامة في حضور بْلا مقام
وانسلّت سيوف الندامة في مقام بْلا حضور

ويساق فنجال المذلة في يمين ابن الكرام
ويذوق فنجال المعزة قاطع الساقه حدور

في وقت ما شفنا بياضه والقضايا ما تنام
يبني على سود الليالي عنكبوته دور دور

وْحنا نهنّي بعضنا لا راح عام وحلّ عام
وش صار وش ماصار وش باقي يصير بهالعصور

والحق واضح مثل ضو الشمس لا فجّ الظلام
لكن عيون الناس عميا بعضها والبعض عور

ان جيت في وقت المشورة والخطط والرأي عام
تجيك وجهات النظر على مصالحها تدور

يبقى العوج رأيه عوج والصمت اخير من الكلام
ما بين خسران الامور وبين مسكك للزمام

ما ينفعك مسك الزمام اليا افْلتت منك الامور
يا نفس شومي وابعدي عن الغثا بارْضٍ عدام

واستوحشي مع الذيابة خير من جهل وغرور