الازمة الاقتصاديّه - غزلية -

ميّاسه تبسّم .. و في ثغرها لول
تتمخطر ف بستان قلبي و تاتي

معقوووله لي اشوووفه .. و لا ما هو معقووول؟
الماسه تتمشّى ما بين البناااتي !

وش بن غطاريس الحسن امسن اذهول ؟
ليّا اشْرِقَت من خدْها شمْس الضحاتي

من حولها كل عذرى .. في نفسها اتقول
وش ذا الحلا كلّه .. ياليته حلاتي !!

يا اقتصاد العالم .. ان صابِك انزول
وقامت تخاف الناس منْك .. و تحاتي

جتْك الاميره الّي بتلقالك احلول
تجمع بقاياك .. و تلملم شتاتي

كل شي تلمِسْه .. صارِ هو سعره مدبول
وكل شي تلْبِِِِسه .. ايتدبّل (مئاتي)

اذا تسولف ودّك انّ الحكي ايطول
و اذا اسكتت قلْت .. يا طول السكاتي

بالحاظَها .. تقدر تخلّيك مهبول
ومن طرفها ما قد رأيت بحياتي

يا رمشها الناعس .. و يا جفن مكحول
و ياليل امسى في شعَرْها يباتي

مطلي خصلها من الذهَب .. بحر مجدول
لون الشهَد الّي في جمْر الغضاتي

العود ليّن .. يصلِبِه خصر منحول
ولاّ في مشْْيِه .. مشيْ ريم الفلاتي

محلى المحيّا لا كساه خشم مسلول
و محلى المتون الّي استرتْها العباتي

كل ما تلامس طرْف لازهار .. و اتقول
يا ورد .. ليش انته اتّباهى بحلاتي؟!

ايجاوِبِ الورْد الحَمَر .. وهْوَا مذهول
(لانّّه خذينا منْج لون الشفاتي )

يا مهرة الغنْج .. و يا بنْت لأْصول
و يا آنسة قلبي .. و مهْر امنياتي

يالكاعب الّي تآسر اقلوب و اعقول
اخذي حياتي بسّ مْنَ الحبّ هاتي !

4-2-2009