هباس ابن رومي ..!

يا محمد امنعني ترى اخوك حساس
طالبك لا تكثر عليّ العلومي

تشكي علي واقول لا باس لا باس
ودّي مواساتك وخارت عزومي

ذكرتني هباس معدوم الاجناس
هبّاس ابن مرزوق قرم القرومي

يالله عساله جنة الخلد مجلاس
يأمر ومن حور العيون مخدومي

هبّاس مات .. وحيّ ذكره مع الناس
بالخير يذكر عندنا كل يومي

ترثة رجال ٍ طبعهم قطع الارماس
روس الرجال منزّحين الخصومي

بني خيوط اللي حمو حمر الاطعاس
بالسيف والشلفا وقباً قحومي

وربعه دعاجين ٍ على قبّ الافراس
عدوّهم جدواه عضّ البهومي

يا عنك ابن مرزوق راس ٍ ولد راس
ماهوب هيكل لابسنله هدومي

ياليت مثله فالدعاجين هبّاس
إملبّسي ولاّ من عيال رومي