رد على الشاعر طلب بن مطلق - بدر الصقري

طلب بن مطلق الدسم ارسل يقول:://
يا مرحبا بك ياجزيل. المعنى 

ياللي كتبت بحرفك الرناني 
حبكة حروف ً جعلهن يفدونك

لوحه رسمها محرف الماني
تعجبني أفكارك .. وقوة شعرك

و يعجبني اسلوب العطا لا جاني
معلوم يا بدر الشعر وظهوره

دامك طلعت لجدك اللوقاني
تبقى على وجه الشعر متصدر

دام الشموخ يحالفك من ثاني
وان قلت لي اكتب بيوتً فيني 

تقدح حروفي وتلتهب قيفاني
ماهو قصور بحرفك المتعالي

ترقى على وجه الشعر طرباني
تلقي قصيد وتبتكر بفكارك

تركب بحور المركب الهزاني
لا قلت وين الشارده تسمع لك

تلبس لباس الحاير المتعاني
لا حمت في جو الغزل رحب بك

قامت تمايل لك غصون الباني 
وختام ياوجه الشعر وشعوره

تأكد انك  للفخر ... عنواني
:::::::::::::::

ردي على ابو مشاري ::/
بسم الاله منزّل القراني

ابدا حروفي وحبكت القيفاني
ابدا بحرفن لانوى بالهجمه

يرعب هل الافكار بالميداني
ويامرحبا ياللي لفاني حرفه

اللي حروفه تطرب الاذاني
طلب عقيد القوم راع الجزله

انشهد انك يالبطل فناني
حبكت حرفك وافي ن ومجمل

ماخاب ظني فيك ياكحيلاني
ماهي غريبه لوحة الابداعي

انته الملك ياحابك الاوزاني
انت الملك و إنََتَ زعيم المعنى

عقيد قومك مانته بخسراني
ومادام بان ربعك جلال الفزعه

انشهد انك ياولد ربحان
زبن الدخيل اللي لفا متعني

وزودن عليها اكرم الضيفاني
ومادام بانا ياطلب يابناخي

نلعب بحرف ونطرق الالحاني
ابسالك بالله وابغي تجاوب

على سؤالن اتعب الاعياني
يمكن بانك ما فهمت المغزى 

لكن بقول الحين يالجدلاني
تمدح بعيد ولا تمددح عمك

يزعل بعمك وتفرح الجيراني
والله ابتلشت وادوشت تفكيري

دنيا ردية مابها كسباني
وصلاة ربي عد مزنن يهطل

علي النبي محمد العدناني
© 2024 - موقع الشعر