يجيبك الله وين قلي تبي تروح ؟

لـ ، ، في غير مُحدد، آخر تحديث :

يجيبك الله وين قلي تبي تروح
لا يتعبك صدك .. ماتقوى على الصد

مثلي إليا منه هوى ياسر الروح
يتعّبك بالطيب وتروح وترد

تغلط عليّ واعدّها منك مزوح
وانا لمن مزحت عديتها جد

الله يسامح حسبتك كلها جروح
ألين لك ياليّن العود وتشد

لكن ياروح السعد معفو ومسموح
مثلك ياطب القلب مايصيرلي ضد

كل العنا والضيق والحزن والنوح
تفدى حسن طلتك ياناعم الخد

إقبل وقرّب لي ترا الباب مفتوح
انا معك لا احتجتني وين ما تلد

صمتي يكفّي .. خابر الدرس مشروح
مافيه داعي يالغلا اعيد واعد

غلاك عامر فيك وصروحه صروح
والقلب ينبض ود .. يامهجته .. ود

لكن بالله وين قلي تبي تروح
لا يتعبك صدك .. ماتقوى على الصد

انا إليا مني هويت ..آسر الروح
اتعّبك بالطيب وان رحت .. بترد


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر