مع العسر يسرين والصبر مفتاح

لـ عبدالعزيز المشعل، ، في غير مُحدد، آخر تحديث

مع العسر يسرين والصبر مفتاح - عبدالعزيز المشعل

الله على قهوة العصر وانت مرتاح
ولا انت بعلى طرد المقفي معنّا

تشم ريح الهيل والبن لا فاح
وتشرب فناجيل السعد واتهنّا

وش عاد والدنيا متاهات واتراح
ما هي بدوم(ن) لك بساتين غنّا

ما راح خله لا يعنّيك قد لا راح
ما رجّع الميّت عيون(ن) بكنّا

للبؤس كابوسٍ وللبسمه افراح
ومن يحسن الهقوات ما يخلفنّا

مع العسر يسرين والصبر مفتاح
يا شاكي اللوعه تونّا تونّا

تقوى الولي منجاة والدعوه سلاح
يدرك بها المؤمن شهد ما تمنّا

ودامت محبتكم يا عطرين الارواح
في قربكم شهب الليالي صفنّا

مشتاق ووش عذري من الشوق ذباح
ليت الظروف القاسيه يسمحنّا

تسمح ومثلي لو قسى الوقت ما باح
يصبر لو ان شفته بشوش ايتغنّا

وياللي تأملنا على كسب الارباح
فالك تعيس وبلغ العلم عنّا

القول دون الفعل ما داوى الاجراح
لا تراوغ السرحان منّا ومنّا

وش تنفع الدوله شعارات الاصلاح
لا ردّد الخاين وطنّا .. وطنّا

© 2024 - موقع الشعر