من زرع الاشواك ما يجنِ الورود

لـ عبدالعزيز المشعل، ، في غير مُحدد، آخر تحديث

من زرع الاشواك ما يجنِ الورود - عبدالعزيز المشعل

استهل الشعر تطربه الرعود
وانحدر يهدر معَ مسايله

يقطع الوديان ويفجّ السدود
ويستهيض الشاعر اللي قايله

من زرع الاشواك ما يجنِ الورود
علم اللي ما تسر فعايله

المعالي ما لها غير الصعود
ما يفيد الشوف ياللي تخايله

شد حيلك واحتزم وارقا سنود
لا تميّلك الحظوظ المايله

استعن بالحي حلال العقود
واسال اللي ما يخيّب سايله

المبادي ما تزيد الا صمود
لافقد راع الهوى صمايله

العفيف يعيش غانم وامحمود
والردي تتخبطه رذايله

والمنافق والمخادع والحسود
تبت إيد الزمرة المتحايله

يا جرى الخاين على نقض العهود
وياخباثة سعيه وعمايله

ما لقى كود التجافي و الصدود
ماقبلت ولا رضيت احايله

البشاشه من صفا القلوب الودود
ما تساوم   بالفلوس  الطايله

تسعد الوجدان  وتنير  الوجود
وتطفي  اللوعة و لفح  القايله

الليالي تمْر والزرع امحصود
والحياة اقصى مداها زايله

والسعادة في رضا البر الودود
من رجاي بعفوه ومشكاي له

يابديع الكون يا خير امعبود
اكفني الشيطان وشرْ حبايله

أسالك عفوك وجنات الخلود
ياكريمٍ ما يخيّب سايله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر