حـطـمت قـلـبي ..

وشلون تتركني وأنا بخاطري جروح؟
أن رحت عني من يداوي جروحي؟

ناديت لك وأصيح والصوت مبحوح
من كثر مبكي صار صوتي بحوحي

شيدّت لك امن الغلا بقلبي صروح
ولازلت انا أبني وانت تهدم صروحي

عايش وقلبي فيك واثق ومطموح
حطمت قلبي و أمنياتي وطموحي

لاضاق صدري وجيت افضفض وابابوح
من يسمع لشكواي و إلا لبوحي ؟

من الغبينه و القهر داخلي فوح
كما دلال(ن) فوق نار(ن) تفوحي

مليت من كثر التنهات والنوح
والنفس طابت من ونيني و نوحي

كل(ن) درابي وصرت انا اليوم مفضوح
دمعات عيني هي سبايب فضوحي

ناوي بهجرك بس على وين باروح؟
ياليت من يقدر يصد و يروحي

مسكين قلبي ماخذ الدعوه مزوح
ما يدري انك ما تعرف المزوحي

ورغم القسى ياصاحبي ياهوى الروح
فدوتّك عمري ياحياتي وروحي

مهما جرحت القلب والروح مسموح
راضي بتعذيبك و قلبي سموحي

عبدالله محمد السحمان