مقتطفات (2)

طفران و مفلّس وحالي على الله..
مديون دين(ن) وارثه من الاجداد..

واليا استلمت رويتبي راح كله..
بأقساط و اجار و فواتير عداد..

*****************
*****************

الغطرسه والعنصريه والاجرام ..
بديارنا صارت بها شي اساسي..

لجل كذا قررت وشديت الحزام..
وابعد عنهم لجل يرتاح راسي..

*****************
*****************

من صد عني يبطي والله م اناديه..
مادام هذا مذهبه ويش ابي به..

نفسي عزيزه ماني مجبور احاتيه..
يروح يدوّر معَ غيري نصيبه..

*****************
*****************

جانا الشتاء وانهد حيلي من البرد..
وكل الدفى في حضنها واحرمتني..

عطيتها قلبي واهديتها الورد ..
والحين يوم احتجتها طنشتني ..

*****************
*****************

وش حيلتي لاطحت في جار عله..
النفس شينه و الطبايع والاخلاق..

لا شفت وجهه والله انك تمله ..
والله يا كرهه سكن وسط الاعماق..

*****************
*****************

بديارنا شاعت بها طلق نيران..
والقتل فيها شي عادي ومعتاد..

هذاك بالعها دبل وذاك سكران..
الله يرحم حالنا رب العباد ..

*****************
*****************

لا مرت وشميت ريح العطر دخت ..
وشلون لو ألمس يديها ؟ اباموت..

من سلهمات عيونها كم تلبخت ..
تذبحني البحه مع نبرة الصوت ..

*****************
*****************

حبيبي لاتوادعني خلاص ارحل معادابيك
مدامك بعتني برخيص انابعتك بكوم تراب

تخون الصاحب الوافي بعدماهوتعلق فيك
وتنكرعشرةسنينك بلاذنب وبدون اسباب

*****************
*****************

ياشين جارك الى من صار نفسيه..
معاد ودك بشوفة وجهه الهابي ..

اسلوبه الزفت واخلاقه تجاريه..
اليا نطحته تهرب كنك ارهابي..

*****************
*****************

عذبتني الليالي وجرعتني السموم..
وذوقتني عناها و مرها بيدها..

عزي لحال قّلبي من هموم لهموم..
كل ما قلت هانت زاد تعقيدها ..

*****************
*****************

عبدالله محمد السحمان