احفر لنفسك قبر - سلمان الكناني

ترى الجفا يقتل مع الوقت راعيه
.........................راعي ظروفي وش بقا ماقتلته
 
انا قتلت الصد وشلون تحيه
.........................وتاخذ بثار الصد والوصل شنته
 
مشكور ركز وافهم الشرح ياهيه
...........................هنا بداية قصرنا اللي هدمته
 
معه انتها حبك ولاعاد ببنيه
..........................ماعاد ببني شي بيدك ردمته
 
لحضه قبل تمشي خذ القلب مابيه
.......................خذ الامل والشوق والي حلمته
 
خذ الوفى والحب واجمل لياليه
.....................خذ الصور خذ ليلي اللي سهرته
 
خذ الرسايل بس ابي شي تمحيه
.....................اسمي وكل اللي عشاني رسمته
 
واحفر لنفسك قبر واسكن حواليه
....................وعطني الغلا مسكين والله رحمته
 
ابقبره واكتب على القبر تنويه
...........................حبٍ توفى لو حيا لي قتلته
© 2024 - موقع الشعر