الشواهيق

مرغت وجهي بين ذيك الشواهيق !
في وقت به طير الخلا حط راسه !

وضميتها .. ضمة حبايب مفاريق
يوم الفراق اشتد حيله وباسه !

واوريت عطشان الغلا من حلا الريق
وصبيت من كاس المحبه لكاسه !

علمتها / اني بلياه آضيق !
ويصيب قلبي فغيبته انتكاسه !

وان الهوى قسمه مابين المخاليق !
في وقت/ حطاب الغلا شد فاسه !

وان القدر .. أعيا قلوب العشاشيق !
كم قلب به جن وتشقق لباسه !

وان الغياب يفيق وينام و يفيق !
شفني وانا كل ليل اعسك عساسه !

وانه هنا بيتك مابين المعاليق !
يا شمسه وساسه ويا كل ناسه !

واني معك اعيش يومي بتطبيق !
ان الكفن .. مامنه بد وحواسه