عديت روس النايفات الشواهيق

عديت روس النايفات الشواهيق
طلعة عدم سلوان من حر ضيقه

لو ان ما الله سنها للمخاليق
لكن صارت عندي افضل طريقه

واخذت في روس النوايف طواريق
وفيها ذكرت اللي يمينه طليقه

سعد عشير الغانمين المطاليق
يوم ان كل يفتخر في صديقه

لا يا سعد قلبي من اقصى المعاليق
تقول كنه يشتعل به حريقه

الا واكيد اشتب واغيب وافيق
افيق بين الثانيه والدقيقه

وغرقت لي من ضمن ناس غواريق
لكن غراقي في البحور الغميقه

اللي تتيه متعبين الملاحيق
لا قيل يا اهل الخيل جد وحقيقه

تودع حكيم الراي في موقف الضيق
ويموت سره ما درى به شقيقه

وانا صبرت وفوق ذا الصبر ما اطيق
وزود على صبر صبرته ما اطيقه

اخاف من صبر على غير توفيق
وانا بغبات البحور الغريقه

اغوص وارفع راسي اشوي واويق
والد الى نبت الفيافي حديقه

الغى على الضامين من بلة الريق
ومن الشفق دمع المحاجر تريقه

رد بن جدلان:
الف هلا ما كوسرن الغداريق

ورق بروس عياد سدر وريقه
مشعشع تحته خضار المشاقيق

ولا طب فيه من الاودام خليقه
برسالة فيها خفا خافق ضيق

الشرح كامل والمصادر وثيقه
لا يا بعد شرح الخيال اللماصيق

مثل السراب اللي يتيه بريقه
ينوشني فيها من الكيف تذويق

كيف النفوس المضرمات الشفيقه
من الخطيب اسمع صدى صوت عشيق

على مراقيب السباع المويقه
يخلج على وضحى عليها الظعن سيق

تقلط با اهلها في نحور الوسيقه
هي عشقتك يابو بطيحان وتليق

والنعم بالعاشق ونعم العشيقه
لا باقتك ولا اخلفوها بواويق

بس النصيب اللي سبق بالسبيقه
فلا صار ما تنقاد لك بالذواليق

فالولف ما يملك بصك ووثيقه
اغلق قفول مجوهرات الصناديق

من شان ما تتهم حد بالسريقه
لا تشتبه شارتك قدم التفافيق

كل رماها اهل الجدد والعتيقه
وترى محانيب السيول المعانيق

تقدر تشيلك من دنن للشقيقه