يقول المطوع مرحبا الله يحييكم
يا عشاق شخصيات الاسرار حياكم
سريتوا معاليل علينا مضويكم
وحياكم الله واسمر الليل وياكم
يا محفين في قنص الجوازي سماريكم
مقانيصكم ميزت منها نواياكم
لكم هقوة عندي ولي هقوة فيكم
وخليتوني ازهب بندقي واتحراكم
ولا اظلم علي الليل كني مخاويكم
اسولف عليكم واتحلى سجاياكم
واجاهد بقلبي في تصدي تناسيكم
على شانكم والا فلا صار لولاكم
ما باقي علي الا اتحلم باساميكم
وانا نايم انشد ما لقيتوه ما جاكم؟؟
شدوا رابعتكم في مسامة هقاويكم
ومدوا عليها بندقيتكم وماكم
على المشرب الصافي يا ضامين يمديكم
على كبر هقوتكم يجي بعد ممساكم
كرمها يقلطكم وادبها يقهويكم
ويقلط عليكم ليل وعلومه عفاكم
يقول اسمعوا صوت المنادي يناديكم
لا اصبحتوا على خير انحروه بمطاياكم
توالوا الشباب ولا بقى الا تواليكم
وانا خايف لا يلحق ادناكم اقصاكم
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.