حداد

لـ علي العضلي، ، في غير مُحدد

حداد - علي العضلي

البسي الاسود .. وقومي وقفي لحظة حداد !
مات قلب(ن) .. من سهامك .. مات قلب(ن) من قساك

غبتي وجاد الخفوق لغيبتك بالعذر جاد
وان طرت غيبتك / بي تمتمة معذور(ن) ياذاك !

سقت لك من بيض سحبي .. في هوايلك البراد !
ابتديك بحب .. والقى من خفوقك منتهاك !

ياتراتيل الوجع .. يا انكسارات وسهاد !
ياشتات المغترب .. ويا مماتي في هواك !

يابلادن .. لامطرت من دمع عيني يابلاد !
يامليك(ن) .. تعبت رجولي في شوفتك ولقاك !

ياشحيحه .. يافقيره .. يابخيله .. ياكساد
يا ابتهالات الرواهب / في وجودك ياجفاك !

شوفي صبحي من فعولك .. مرتدي ثوب السواد !
ياصباح الحزن .. يا احزن صباح(ن) ارتداك !

كنت ابدفى بك .. لقيتك .. ميته مثل الرماد !
يابرادك .. يابرادك .. يابرادك .. ياشتاك !

كنت انا بك استغيث ..واطلبك هل من مداد !
وتقصر يدين المحبه .. عن مداي ومن مداك !

جيتك .. اهوى جيتك اعشق / جيتني بالاضطهاد !
قلت احبك .. ياحبيبي كل جرح(ن) هو فداك !

وتحسب ان صمتي عن جروحك في قلبي إعتياد !
لا ياسيدي .. والهوى بين المحبين اشتراك !

كان مابه من مناصف .. شفني اشد الشداد
بغترب عن حب والدنيا صفاها من صفاك !

مير الاسود البسيه و وقفي لحظوة حداد !!
مات قلبي من سهامك مات قلبي من قساك

© 2024 - موقع الشعر