صبآحك إشرآقة دفآ

صبآحك اشرآقة دفآ ..
ياللي بآلرآحه غفآ ،
وارتاح من طول السهر ..
والا حبيبك بالمسآ
سهرآن يشكي ..
للقمر ..
عن بعض لحظات الجفآ ..
وعن بعض لدغات القهر ..
عن قلب شآقي واكتفى ..
وعن ضيقة تسكن بالصدر ..
قالو مفاتيح الفرج ..
تلقاها في عز الصبر ..
وين الصبر . ؟
يوم الصبر .. !
خلص وهمّي إحتفى ..
يرقص على أبسط عذر ..
والفرْح هآرب واختفى ..
والحظ ( قآتل بالأجر ) ..
وخلقي تغيّر موقفه ..
متشبّث بحبل الكدر ..
فلا تقول لي صبحك .. دفآ .. !
ما دامني .. لين الفجر ..
أكتب قصيدي واحرفه . .
تستسقي من عيني .. المطر .!
ولا زلت صآحي ما غفآ ..
جفني .. ولا مات النظر ..
للحين بآقي على الوفآ ..
واشوفك ادمنت الهجر ..
والا الحزن ما تعرفه .. !
لا جآني يكسر لي الظهر ..
شف لي رجول ٍ واقفه ..
للحين تنطر ع البحر ..
شف دمع عيني ..
هاااا شِفَهْ ..
وشلون ع الخد انحدر ..
شف كل حروفي نازفه ..
والصبر من يآسي ..
انتحر ..
شف بسمتي لك زآيفه ..
كآبرت .. بس جرحي كبر ..
شف عمري ..
إنته شآيفه . ؟!
هذآ انتْ ضيّعته هدر
........ هذآ انتْ ضيّعته هدر
................ هذآ انتْ ضيّعته هدر