عطر الانسام

لا قلت احبك يشهد الله احبك
والحب سل الحال بالموت سلي

دربي بلا موعد تلاقى بدربك
الله أمر وأمره عظيم التجلي

وليا سألت الروح من هو محبك
يرد قلبي باهي الخد خلي

قلت احلفي بآيات ربي وربك
انك معي مثل ألسحابه وظلي

وحلفت لك من قلب صادق لقلبك
أني وفيه باندفاعي وكلي

عشتك مسافة بعد كني بقربك
وان صح تعبيري فديتك وأنا اللي

أسال بلهفة عاشق الود وشبك
يا من خفوقي يتبعك ما يملي

وتقول خايف من غيابك وطبك
قصمة ظهر لو هو في يومٍ حصلي

وأقول اهدأ وش بلا اليوم خطبك
وش يقلقك يا عطر الانسام قلي

يا جملة الخلان حالي رغبك
والحال ما يخفى عن أحوال ملي

أنا معك لو هو على الموت حدبك
مهما حصل فأنا فدى الحب كلي

النور يطلع مع نسايس مهبك
والعمر مولودٍ لتو انعطف لي

يا مكبر قياس الولع لا رجح بك
كنه ملك كون الفضا بك تغلي

وان صابني عمقا بالأيام شهبك
يبقى الغلا فوق امتداده يهلي

ولا عاد لي نفسٍ على الود عقبك
لوصفت جموع الخلايق لوصلي

يحرم علّي كأسٍ سوى كأس نخبك
أما أنت وإلا للمنايا يولي

أنا شريت الود صعبا أكبك
الموت أهون من فراقٍ يحلي

والله لا يمكن عذابي يصبك
على لهيب النار غدر وتسلي

لجلي عشقتك واحتويتك واحبك
هذه حقيقة خافقٍٍ ما يملي

شعر /الملتاعة